外患
1.大陸客屙屎玩殘
阿Mic指，試玩期間見過三次有內地遊客，叫小朋友在園內的河邊大、小便，他上前勸該小朋友到洗手間，但家長反而叫小朋友「屙快」，當他冇到，他惟有叫負責清潔的同事善後。

「在其他國家的迪士尼，遊客都會自然投入童話世界，演藝人員說笑、表演時，遊客都會鼓掌示意，氣氛融洽，絕對不會發生這種事，香港可能會變成全世界最臭的迪士尼。」阿Mic苦笑說。

2.被粗口鬧到喊
「早前總綵排時機動遊戲發生故障，受過訓練的演藝人員對遊客說：『巴斯光年突然唔舒服，暫時休息一陣，稍後會再帶大家飛越太空。』外國遊客通常會保持開心，耐心等候，但香港遊客則破口大罵：『你講咩呀？係咪壞機呀？要等幾耐？有冇搞x錯！』員工即時冇癮。而經過幾次總綵排之後，公司決定如實告訴客人壞機。」

Mandy指樂園遊戲經常「故障」，大部分原因是遊客不守規矩所致︰「機動遊戲都是由電腦program自動循環控制，由於香港和內地遊客好多時都在上車時停留拍照，結果令programjam了，要重新reset。」

其他崗位的演藝人員亦遇到難堪的遭遇，阿Mic說︰「因為樂園採用粵語、英語和普通話三種語言，所以部分需要職員講解的遊樂設施，會安排遊客按語言分批排隊，儲夠人數便可率先玩。但有位香港遊客硬要排人數較少的外國人隊伍，以為有數，豈料女職員先安排儲夠人數的內地人龍先玩，結果被那個香港人指鼻子用粗口問候全家，女職員即時落淚，還要勉強解釋，卻被罵得更厲害，最後女職員即時辭職。

內憂
1.上班唔俾飲水
在烈日當空的工作期間，員工竟然不可飲水，Mandy說：「經理向我們說，為了保持迪士尼的形象，我們絕不可在客人面前飲水。這簡直是罔顧員工的健康，於是我們只可偷偷將水放在隱蔽處，沒有人時才快快飲兩啖。」經多番爭取後，員工現已可攜水樽開工，但飲水時仍是偷偷摸摸，不可讓遊客看見。

其實香港迪士尼有四個遊樂區（美國小鎮大街、明日世界、幻想世界和探險世界），共約五千名職員，但只得兩個員工休息室，而且每個休息室只得三、四百呎，冇電視機、冇收音機、冇播音樂、冇水果、冇茶包，雪櫃同微波爐亦只有一個。

阿Mic說︰「同事為了慳錢都會帶飯食，結果雪櫃日日爆滿，排隊用微波爐要等成廿分鐘，我們每日工作超過八小時才有一段四十五分鐘長的食飯時間，另加兩段各十五分鐘的休息時間。基本上，實際進食時間不太多。而且食得午餐便不能食晚餐，肚餓便要趁十五分鐘的休息時間，吃自備的乾糧充飢。」

2.縮骨盡量冇O.T.
「好多同事都頂唔順工作時間長，每日要返十至十二個鐘頭（朝九晚九），一星期返六日，晚晚放工都辛苦到要死，月薪只得九千元，沒雙糧、沒花紅，每年七天大假，原本諗住做迪士尼係因為貪佢大機構、福利好，升職機會多，而家都唔知為乜要做落去？」
一般員工每月做超過195個小時便會有O.T.錢，計法是將月薪除195再乘O.T.鐘數，月薪九千，即每小時約四十六元，但阿Mic說：「迪士尼好精，只要員工達到195小時，便叫他放假。我試過有一日收工係第193小時，上司就叫我跟住幾日都唔使返工，直至下個月一號。」

Mandy還大爆迪士尼管理十分lowtech︰「現時員工上落班都是用人手簽走簽到，簽完還要找經理簽名確認，在美國的時候，都是用電腦signin/out，準確又省時。員工還可以在電腦自行輸入要不要OT及選擇OT的時間，不會像香港迪士尼強迫員工OT。」
3.員工分做兩黨
美國迪士尼的傳統，是崇尚無分彼此的無階級觀念，所有員工都是演藝人員，沒有上下級之分，可是這套思想來到香港卻面臨崩潰。「香港迪士尼的階級觀念嚴重，一些部門經理是來自醫管局、醫院管理層、地鐵公司、機管局等，他們和組長都未受過美國迪士尼的訓練，不太願意接受迪士尼的管理文化，入職後亦沒有這方面的培訓，故毫無幽默感。

「對我們這些受過訓的低層員工不斷責罵，人龍分配有少少問題又會鬧，去多幾次洗手間又鬧，成日指東指西，鍾意擺款，尤其鍾意當我們這些去過美國受訓的文化大使（共500人）係奴隸，去美國只係玩。」
每年四月香港迪士尼都會為員工的工作表現評分，繼而有升職加薪機會，但阿Mic說，想升職便要「勁落鞋油」。「平時又懶、對客人態度又差，反而有得升職，全因他們跟那些經理、組長一樣，都是沒去過美國受訓的員工，他們便成為了一黨，與我們分成兩派。」

唉~~~香港....
好彩,佢開左咁耐我一次都未入過~
反而日本同巴黎果2個好耐之前就去左= =""
美國果2個...無時間orz

唉...我從來未冇期望過, 算啦, 香港已經係慢性同大陸同化啦....有時真係常移民去其他地方

hko個個迪士尼未唔好玩既........
仲細過維園3,4個中已經玩哂+睇哂........
之後得個等字!!= =

迪迪尼開左咁耐 d人對佢單多個鑽 =3=
真係 好似將香港個名 臭化下去@@..
同埋 講真 真係好鬼細lo 入邊... 我係覺得絕對唔值得花錢入去...

Thanks for the insight

香港個迪士尼開左甘耐..我一次刀冇去過..
我覺得香港尼個一D刀吾好玩..又小..又吾抵..

不過D人又真系過份既..甘刀要爆粗..唉..E家D香港人真系....

唉.....中國本應係禮儀之邦.....咁失禮真係醜怪 !

It's very sad to hear about your situation in Hong Kong Disney.  If you really enjoy your work, you would try your best to overcome all the problem.  I think maybe this job is not suitable to you.

米就系..外傳出去真系...失禮..唉..

唉， 搞到我都唔想去香港o個個 lu....
美國o個個就幾好， 地大，不過都係人多

真想不到香港被人 真系...失禮..唉

i went there last summer....i dont think its AS BAD AS people said it is. though the games are very gay (maybe i am too old for it)....like i read on the brochure, travel in a raft to go to tarzan's tree house...sounds cool eh? but i went, its like this giant square condola, with a pile of people, "rafting" over to the other side of the "river" that is like 100 metres max.

but i need to give it credit for the nice parades and shows. i think thats the best part about the HK one cause the old disneylands don't have nice/interesting parades...HK one has a lot of dancing and singing. which i thought was cool.