親身恐怖經歷...
我一家四口有一次因為趕住搬屋,就係網上揾到一間村屋位於西貢,因租金平,而且個經紀又唔收我們佣金,間屋有2層,4房一廳,而且其中一間房個櫃有衣紙同符一張,間屋就屬於舊式石屎村屋,裝修都已經好舊,已有10年冇人住,但因為趕住搬就租左,就係搬屋後第3日,我好記得當日下午2點幾,諗住返房睡午覺,點知一睡落床,已發現立刻全身郁唔到,但我隻眼係可以掙開的,我當時對眼就周圍望,諗住可能身體有問題(我自己唔信有鬼),點知大概十秒,p.s(間房係正方形,全白色的)我見到左上角有樣黑色物體飄緊出黎,再睇清楚d,係一個女人長頭髮,2隻手伸長咁飄埋黎我到,佢伸長對手抱住我條頸,最激既係我仲feel到佢d頭髮掂到我塊面既感覺,佢2秒後就消失左,我都郁得番,我立刻衝落地下叫救命,但我媽當時仲話我痴線,但我知道絕對係真的,唔係幻覺....知後間屋不停有怪事發生,直到我們因頂唔順搬走時,我們個隣居先同我們講,其實間屋係十幾年前個屋主既親戚係我間房吊頸自殺,5年之後曾經有對夫婦搬過入黎住,但住左3日突然好趕咁搬走,跟住就到我們呢家人住,佢仲話因為見我們四個人應該冇事卦,所以冇話俾我們知.......我知道呢間屋現在有新租客住緊,真係祝佢好運......
|
